Barcelona ka arritur të shënoj fitore ndaj Almerias në kuadër të xhiros së 18-të, në La Liga, me rezultat 3-2.

Në një ndeshje me shumë gola Barca vendimtar ishte goli i Sergi Robertos, shkruan Arbresh.info.

Raphinha arriti të shënoj golin e parë për Barcelonën në minutën e 33-të, teksa kjo epërsi zgjati vetëm tetë minuta pasi Leo Baptistao barazoi për Almerian.

Në pjesën e dytë u shënuan edhe tre gola, teksa Roberto riktheu epërsinë e Barcës në minutën e 60-të.

Almeria gjeti forcën edhe njëherë dhe barazoi rezultatin në minutën e 71-të me anë të Gonzalesit.

Por në skenë doli edhe një herë Sergi Roberto heroi i Barcelonës në natën e sotme që arriti të shënoj gol dhe t’i dhuroj fitoren Barcelonës në minutën e 83-të.

Barcelona u riktheu te fitorja pas tri ndeshjeve pa fitore në të gjitha garat dhe me këto tri pikë të fituara arrin kuotën e 38-të pikëve.

Kurse tabelës i prinë Girona me 44 pikë.

Katalunasit ndeshjen e ardhshme e luajnë ndaj Las Palmas me 4 janar të vitit të ardhshëm./Arbresh.info/